რუსტამ იბრაჰიმბეიოვმა განაცხადა, რომ შეხვედრები აწი "ვერა პალასში" ჩაატარებს.

თბილისის ოტელ "ვერა პალასში" ეროვნულ საბჭოში წარდგენილი ოპოზიციური პარტიების ხელმძღვანელებსა და ფუნქციონერებთან რუსტამ იბრაჰიმბეიოვის შეხვედრა დაიწყო.
შეხვედრაზე ეროვნული საბჭოს 16 წევრი მონაწილეობს. მონაწილეებს შორის მუსავატის თავმჯდომარე ისა გამბარი, თავისუფალი საზოგადოებრივი პარტიის თავმჯდომარე სულჰადინ აქბარი, აზერბაიჯანის ხალხური ფრონტის პარტიის თავმჯდომარეს მოადგილეები ფუად გაჰრამანლი და გოზელ ბაირამლი, ეროვნული საბჭოს აღმასრულებელი აპარატის ხელმძღვანელი ელდარ ნამაზოვი, რუსტამ იბრაჰიმბეიოვის ადვოკატი ფუად აღაევიც არიან. შეხვედრა დახურულად ჩატარდა. მუსავატის პარტიის ლიდერმა ისა გამბარმა აღნიშნა, რომ შეხვედრის შემდეგ პრესისთვის განცხადებას გააკეთებს. შეხვედრაზე ეროვნული საბჭოს საქმიანობის, რუსტამ იბრაჰიმბეიოვის რუსეთის მოქალაქეობის გაუქმების, მისი აზერბაიჯანში ჩასვლის და სხვა საკითხების განხილვაა მოსალოდნელი. ხვალ ამავე ფორმატში კიდევ ერთი შეხვედრა ჩატარდება.
მუსავატის ლიდერი ისა გამბარი შეხვედრის პირველ 20 წუთს არ დაესწრო. რატომ არ დაესწრო შეხვედრის პირველ ეტაპს, უცნობია.
აღინიშნა, რომ შეკრება დაახლოებით 1 საათს გაგრძელდება, შემდეგ განხილული საკითხების შესახებ ჟურნალისტებისთვის განცხადებებს გააკეთებენ.
თბილისის წყაროებმა განაცხადეს, რომ რუსტამ იბრაჰიმბეიოვის შემდეგი შეხვედრები, კერძოდ ეროვნული საბჭოს დევნილობაში მყოფ წევრებთან შეხვედრებიც ოტელ "ვერა პალასში" ჩატარდება. ოტელი "ვერა პალასი" სომხური წარმოშობის საქართველოს მოქალაქეს ანდრეი ნერსესიანს ეკუთვნის და ამჟამად მას მისი ვაჟი მართავს. ნერსესიანი საბჭოთა კავშირის პერიოდში საქართველოს ვაჭრობის მინისტრად მუშაობდა. ცნობილია, რომ მას ახლა სომხეთის პრეზიდენტთან სერჟ სარკისიანთან ახლო ურთიერთობა აქვს და საქართველოში ერთ-ერთ მთავარ მხარდამჭერად ითვლება.