ბაქოს საგამოფენო ცენტრში ორგანიზებული მეოცე საერთაშორისო კასპიის ნავთობისა და გაზის, ნავთობდამუშავებისა და ნავთობქიმიის გამოფენის ერთერთი მონაწილე აზერბაიჯანის მეთანოლის კომპანია თავისი პირველი პროდუქციის ბაზარზე გასატანად ემზადება.

ამის თაობაზე კომპანიის წარმომადგენელმა ნაჰიდ აბასზადემ განაცხადა და აღნიშნა, რომ ქარხანა დღეში 2 ათასი ტონ მეტანოლს გამოიმუშავებს. თავიდან კომპანიის წარმოება 60 პროცენტი იქნება, ცოტა ხნის შემდეგ კი მთლიანი ძალებით იმუშავებს და ბაზარზე წელიწადში 720 ათას ტონამდე მეტანოლს გაიტანს.

აბასზადემ განაცხადა, რომ დამუშავებული პროდუქციის მსოფლიო ბაზრებზე გასატანად საქართველოსა და თურქეთში სპეციალური ტერმინალები შენდება. ტერმინალები 30 ათასი ტონა მეტანოლის პროდუქციის შესანახად იყო გათვლილი. აქ ყოველ თვეს 60 ათას ტონაზე მეტი პროდუქტის ატვირთვა-ჩამოტვირთვა იქნება შესაძლებელი.

კომპანიის წარმომადგენლობის ინფორმაციის თანახმად, წინა წელს ლონდონში ჩატარებულ კონფერენციაზე „კასპიის დერეფანი“ ბრიტანეთის კომპანია BP-სთან მეტანოლის ყიდვა-გაყიდვისა და მარკეტინგის მემორანდუმი გაფორმდა.