სომხები აზერბაიჯანის ოკუპირებულ ყოფილი აღდერეს რაიონის ტერიტორიაზე სოფელ ვენგში სტრატეგიულ ობიექტს აშენებენ. სომხეთის მედიის ინფორმაციით, ოკუპანტები ამჟამად აღნიშნულ ტერიტორიაზე სუვოროვისა და მედეტიანის სახელობის სამხედრო სკოლას აშენებენ.
სამშენებლო სამუშაოები სომეხი ქველმოქმედის ლევონ აირაპეტიანის და მთიანი ყარაბაღის სეპარატისტული რეჟიმის ე.წ. "გმირი" არკადი ტერ-ტადევოსიანის მხარდაჭერით ხორციელდება.
სომხები სამხედრო სკოლის გახსნას 2014 წლისთვის გეგმავენ. ინფორმაციის თანახმად, სამხედრო სასწავლო დაწესებულება ყველა თანამედროვე საერთაშორისო სტანდარტს შეესაბამება. ისინი აცხადებენ, რომ იქ რუსეთის, საფრანგეთის, აშშ-ის სასწავლო მეთოდები იქნება. ამისთვის საზღვარგარეთიდან მაღალკვალიფიციური მასწავლებლებიც ჩაერთვებიან.
ეს კი იმას ნიშნავს, რომ სამხედრო სკოლაში სომხები რუსულ, ინგლისურ და აზერბაიჯანულ ენებსაც ისწავლიან, რათა მათ ამ ენებზე გამართულად ილაპარაკონ. ამ სკოლაში აზერბაიჯანული ენის მცოდნე სომეხი მზვერავების და სხვა სამხედრო სპეციალისტების მომზადება იგეგმება.