საქართველოს პრეზიდენტ გიორგი მარგველაშვილსა და თურქეთის პრეზიდენტ აბდულა გიულს შორის სატელეფონო საუბარი შედგა. 

როგორც „ექსპრესნიუსს“ პრეზიდენტის პრესსამსახურიდან აცნობეს, თურქეთის პრეზიდენტმა პირადად მიულოცა გიორგი მარგველაშვილს საქართველოს პრეზიდენტის პოსტის დაკავება.
მხარეებმა ქართულ-თურქული ურთიერთობებისა და სამომავლო პერსპექტივების შესახებ ისაუბრეს.
თურქეთის პრეზიდენტმა აბდულა გიულიმ საქართველოს სახელმწიფოს მეთაური გიორგი მარგველაშვილი თურქეთში მიიპატიჟა.
საქართველოს პრეზიდენტმა სატელეფონო საუბრის დროს დაადასტურა, რომ ეს ვიზიტი უახლოეს მომავალში შედგება.