Fransadan başqa BMT Təhlükəsizlik Şurasının mandatı olmadan Suriyaya hərbi müdaxiləni Avropa Birliyinin altı ölkəsi dəstəkləyir. APA-nın verdiyi xəbərə görə, bu barədə “RİA Novosti”yə Brüsseldəki diplomatik mənbədən məlum olub. Bu ölkələr arasında Danimarka, Xorvatiya, Rumıniya, Yunanıstan, Latviya və Kipr var.

Avropa Birliyi bəzi Qərb dövlətlərinin Suriyaya mümkün hərbi müdaxiləsi ilə bağlı mövqeyini yaxın günlərdə açıqlamalı olacaq. Sentyabrın 6-7-də Vilnyusda Avropa Birliyinə daxil olan 28 ölkənin xarici işlər nazirlərinin qeyri-rəsmi toplantısı keçiriləcək.