Atası tərəfindən zorlanan qıza kəndlilər sahib çıxdı

Papua- Yeni Qvineyanın şərqindəki dağlıq ərazidə zorlanma hadisəsi qeydə alınıb.


Sərxoş ata 18 yaşlı qızını zorlayıb. O, qızı yatan zaman otağa daxil olaraq, boğazına bıçaq dirəyib. “Əgər səsini çıxarsan, başını kəsəcəyəm” deyə qızı qorxudan sərxoş ata qızını zorlayıb. Baş verən hadisədən iki saat sonra o yenidən qızına təcavüz edib. Bütün bunlardan mənəvi cəhətdən sarsılan qız səhər saatlarına yaxın atasını yatdığı yerdəcə qətlə yetirib.

Hazırda qız kənddəki qonşu evlərdən birinə sığınıb. Polis hadisəni araşdırmaq və atasını qətlə yetirmək istəyən qızı həbs etməyə çalışsa da, kəndlilər qızı onlara təhvil vermirlər. Onlar əxlaqsız atanın haqlı cəza aldığını deyirlər.

Yerli kilsənin keşişi Lukas Kuminin dediyinə görə, kənd sakinləri qızı polisə verməyəcəklər: "Polisə məsləhət görərdim ki, camaata təzyiq etməsin. Əgər polislər qızı zorla ələ keçirib həbs etmək fikrinə düşsələr, burada qırğın olacaq. Kəndlilər əxlaqsız atanın ölümə layiq olduğunu deyirlər".