Rusiyanın Kemerovo şəhərində "Qış albalısı" ticarət mərkəzində baş verən yanğından sonra qohumlarının itkin düşdüyünü bildirdiyi üç nəfər sağ tapılıb. 

Bu barədə Rusiya Araşdırmalar Komitəsindən məlumat verilib.

Qeyd edək ki, "Qış albalısı" ticarət mərkəzində martın 25-də yanğın baş verib. Nəticədə 64 nəfər həyatını itirib. Ölənlərdən 41-i uşaqdır. 

İndiyə qədər 27 cəsədin kimliyi müəyyən edilib.