APA-nın “İnterfaks”a istinadən yaydığı məlumata görə, qalmaqala səbəb Özbəkistan səfirliyinin birinci katibi M. Xayriddinovun maşınla qəza törətməsi və Qırğızıstan vətəndaşı olan şəxsə bədən xəsarətləri yetirməsidir. Hadisə gecə saatlarında Bişkekdə “Moskva” gecə klubunun qarşısında baş verib. Özbəkistan səfirinə məxsus “Toyota Prado” markalı maşın “VAZ-2106” ilə toqquşub. Səfirin maşınının süknaı arxasında olan birinci katib Xayriddinov və maşında içkili vəziyyətdə olan sərnişinlər avtomobildən düşərək “VAZ-2106”nın sürücüsünü döyüblər. Qırğızıstan XİN bununla bağlı qonşu ölkəyə nota göndərib, sürücüyə yetirilən xəsarətlərlə bağlı məhkəmə-tibb ekspertizası təyin edilib.