\

Yanvarın 17-də Elbrus dağında itkin düşən iki belaruslu alpinist tapılıb. Onların hər ikisi sağ-salamat olduqları bildirilir.

Oxu.Az-ın xəbər verir ki, bu barədə Rusiya Federasiyası Kabardin-Balkar Respublikasının Fövqəladə Hallar Nazirliyinin mətbuat xidmətinin rəhbəri Cantemir Berov məlumat verib.

Onun sözlərinə görə, alpinistlər yanvarın 26-da səhər saatlarında tapılıblar.

8 nəfərdən ibarət axtarış-xilasetmə qrupu və bir texnikanın köməyi ilə tapılan alpinistlər Elbrusun şərq yamacında aşkar olunublar. 

"Xilasedicilər alpinistləri 3600 metr yüksəklikdə, Elbrus dağının şərq yamacında aşkar edib. Hazırda xilasedicilər onlarla birgə dağdan aşağı enir", Berov qeyd edib.