Türkiyənin Baş naziri Binəli Yıldırım bildirib ki, ‘"Zeytun budağı’" əməliyyatı çərçivəsində Suriyanın Afrin əyalətində artıq 300-dən çox terrorçu zərərsizləşdirilib

Oxu.Az Türkiyə mətbuatına istinadən xəbər verir ki, Yıldırımın sözlərinə görə, Afrində anti-terror əməliyyatı plan üzrə gedir.

"Türkiyə ordusu Suriyanın şimal-qərbində İŞİD və PKK yaraqlıları ilə mübarizə aparır", - deyən, Yıldırım qeyd edib ki, YPG abbreviaturası cinayətkar təşkilatın mahiyyətini dəyişmir.

"YPG və PKK eyni şeydir. Bizə onların mahiyyəti məlumdur, çünki artıq 40 ildir mübarizə aparır", - deyə, türk hökumətinin başçısı bildirib.