Panama bayrağı altında İrandan Cənubi Koreyaya hərəkət edən "SANCHI" neft tankeri yanvarın 6-da axşam Çinin şərq sahili yaxınlığında Honkongun "CF CRISTAL" gəmisi ilə toqquşub.

Dalga tv Ölkə.Az saytına  istinadən xəbər verir ki, Çinin Nəqliyyat Nazirliyi hadisə nəticəsində 32 nəfərin itkin düşməsi barədə məlumat yayıb. 

İtkin düşənlər arasında 30 İran və 2 Banqladeş vətəndaşının olduğu bildirilir.

Toqquşma nəticəsində tankerdə yanğın baş verib.

Xilas etmə və axtarış əməliyyatlarına Çin və Cənubi Koreya sahil mühafizəsi xidmətlərinin əməkdaşları cəlb edilib.