Ölkə.Az xəbər verir ki, bu barədə  “Stampa” qəzeti məlumat yayıb. Verilən məlumata görə, hadisə bu ilin ilk günün səhər saatlarında Turin şəhərində qeydə alınıb. Bombanın partlaması nəticəsində 4 nəfər yaralanıb.

Partlayış şəhərin kənar rayonlarının birində baş verib. Əldəqayırma bomba zibil qutularının birində yerləşdirilibmiş. Partlayış nəticəsində iki mərakeşli və iki italiyalı yaralanıb. Yaralılardan biri 83 yaşlı təqaüdçüdür.

Hüquq-mühafizə orqanlarının əməkdaşları ərazidə axtarış zamanı 12 oxşar partlayıcı qurğu və patron aşkarlayıblar. İlkin ehtimala görə, hadisə terror aktı olub. Lakin dəqiq məlumatlar aparılacaq araşdırmalardan sonra məlum olacaq.

Faktla bağlı araşdırma aparılır.