Somalidə hərbi sursat daşıyan təyyarə partladı
Somalinin paytaxtı Moqadişo hava imanına enməkdə olan hərbi-nəqliyyat təyyarəsi yerə çırpılaraq yanmağa başlayıb.
Yanan təyyarədən partlayış səsləri eşidilib. “Life News” xəbər verir ki, təyyarə Afrika İttifaqının hərbi qüvvələri üçün silah-sursat daşıyırmış.
Hadisə zamanı az 4 nəfərin öldüyü bildirilir. Təyyarədə ümumilikdə 6 nəfər olub, digər 2 nəfərin taleyi hələlik naməlumdur. Moqadişo hava limanı müvəqqəti olaraq bağlanıb.