İsveç hökuməti Martin Haqstromu "Şərq tərəfdaşlığı" proqramı üzrə səfir təyin edib. 

Onun vəzifəsi Avropa İttifaqı və Şərqi Avropadakı tərəfdaş ölkələrlə "Şərq tərəfdaşlığı"nın fəaliyyətini genişləndirməkdən ibarətdir.

Martin Haqstrom hazırda İsveç XİN-in Şərqi Avropa və Mərkəzi Asiya Departamentində Şərqi Avropa Qrupunun rəhbəri vəzifəsində çalışır.

Haqstrom yeni vəzifəsinin icrasına iyul ayında başlayacaq.

"Şərq tərəfdaşlığı" Aİ ilə postsovet məkanının altı ölkəsinin - Azərbaycan, Ermənistan, Gürcüstan, Moldova, Ukrayna və Belarusun siyasi və iqtisadi yaxınlaşmasına yönəlib. Proqram Aİ-yə üzvlüyü nəzərdə tutmur. Buraya viza rejiminin sadələşdirilməsi, energetika sahəsində əməkdaşlıq, azad ticarət zonasının tətbiqi daxildir.