Gürcüstanın Svaneti bölgəsində Lentexi rayonunun Zesxo kəndində iyulun 11-dən davam edən yanğın söndürülüb.

APA-nın yerli bürosunun məlumatına görə, yanğının yenidən baş verməsi təhlükəsi istisna olunur.

Yanğın nəticəsində 3 hektara yaxın meşə örtüyü yanıb.

Yanğının baş verdiyi ərazi mürəkkəb relyefli olduğundan yanğının söndürülməsində ağır texnikadan istifadə mümkün olmayıb. Yanğının aradan qaldırılmasına canlı qüvvə və helikopter cəlb edilib.