Gürcüstanda Heydər Əliyevin 95 illiyi qeyd olunub

Gürcüstanda Azərbaycanın ümummilli lideri Heydər Əliyevin anadan olmasının 95 illiyi silsilə tədbirlərlə qeyd olunur.

APA-nın yerli bürosunun məlumatına əsasən, Azərbaycanın Gürcüstandakı səfiri Dursun Həsənov, səfirlik əməkdaşları, Marneuli rayonunun icra hakimiyyəti başçısı Temur Abazov, qonşu ölkənin Azərbaycanlı İş Adamları Birliyinin (AZEBİ) üzvləri, ziyalılar, gənclər və ictimaiyyət nümayəndələri H.Əliyevin Tbilisidə yerləşən büstü önünə əklillər qoyublar.

H.Əliyevin xatirəsi Rustavi şəhərində də anılacaq. Şəhərdə Heydər Əliyev parkında ümummilli liderin abidəsi ziyarət olunacaq.

Tədbirlər çərçivəsində Tbilisinin Dirsi qəsəbəsində ağacəkmə aksiyası da keçiriləcək. Aksiya çərçivəsində rəmzi olaraq 95 ağac əkilərək Kür çayı qırağında xiyaban salınacaq.

Marneuli rayonunda da H.Əliyevin doğum gününə həsr olunmuş tədbir təşkil olunacaq.