Tbilisinin Kiyev küçəsində yerləşən binada yanğın baş verib.
 

APA-nın Gürcüstan bürosunun məlumatına görə, yanğın binanın 2-ci mərtəbəsini və dam örtüyünü əhatə edib. Hotel kimi istifadə olunan binada yanğın zamanı iranlı turistlərin olduğu bildirilir. Onlardan biri ölüb, 3-ü isə yüngül yanıq xəsarətləri ilə xəstəxanaya çatdırılıb.

Hadisə yerinə 6 yanğınsöndürən maşın cəlb olunub. Yanğın zamanı 200 kv. metr sahə yanıb. Səbəbi hələ məlum olmayan yanğın artıq lokallaşdırılıb.