Gürcüstanın Qardabani rayonunda ölümlə nəticələnən yol qəzası baş verib.
 

APA-nın Gürcüstan bürosunun məlumatına görə, yüksək sürətlə hərəkət  edən BMW markalı avtomobil 18 yaşlı yerli sakini vurub. Nəticədə o, ölüb.

Gürcüstan parlamentinin Qardabani rayonundan olan deputatı Savalan Mirzəyev rayonda son zamanlar yol-nəqliyyat hadisələrinin artması ilə bağlı müvafiq qurumlara müraciət edib. Sabahdan etibarən rayon ərazisində patrul polisi yol hərəkəti qaydalarına riayət olunmasına nəzarət edəcək.