დაკარგული სამხედრო ნაპოვნია
საქართველოს თავდაცვის სამინისტროს ინფორმაციით, სენაკის სამხედრო ბაზიდან გაუჩინარებული ჯარისკაცი ორდღიანი ძიების შემდეგ, სამხედრო პოლიციამ სახლისკენ მიმავალ გზაზე შეამჩნია.
სამინისტროს ინფორმაციით, კაპრალმა ლევან შაკაიამ 8 ივნისს თვითნებურად დატოვა სენაკის სამხედრო ბაზა.
„სამხედრო, რომელიც სამხედრო ნაწილს დატოვებს და ქვედანაყოფში ორი დღე-ღამის ვადაში დაბრუნდა, დისციპლინური წესით დაისჯება. 48 საათის შემდეგ, სამხედრო ბაზაზე გამოუცხადებლობის შემთხვევაში, სამხედრო მოსამსახურის სისხლის სამართლებრივი პასუხისმგებლობა დგება“ - აცახედებენ სამინისტროში.