5-7 sentyabr tarixlərində Bakıda “Elite Horse and Polo Club”un açıq manejində Atçılığın Polo növü üzrə Dünya Kuboku turnirinin ikinci hissəsini keçirilib.

Turnirin birinci hissəsi də ötən ilin sentyabr ayında Bakıda keçirilib və idman həvəskarları arasında böyük maraqla qarşılanıb.

Yarışda Azərbaycanı “Embawood” komandası, ABŞ, Argentina və Avropa ölkələrini isə  “Chopard”, “Maserati”, “Baltika” 7 kimi brendlərin komandaları uğurla təmsil edib.

Bu yarışa Azərbaycanın Polo komandası xüsusi olaraq hazırlaşıb.

Komanda üzvlərinə Argentinanın paytaxtı Buenos Airesin “Alegria Polo Farm” klubunun peşəkar məşqçiləri tərəfindən təlimlər keçirilib.

Qeyd edək ki, “Embawood” şirkəti Azərbaycanda atçılıq idman növünün inkişafı üçün daim dəstək göstərmiş və əvvəlki illərdə Polo turnirləri ilə yanaşı, Atçılığın digər növləri üzrə də turnirlərin keçirilməsinə dəstək olub.