İslam dünyasında ən böyük dörd məsciddən biri olan Kufə Məscidinin divarı çatlayıb. İraqın Kufə şəhərində yerləşən eyni adlı məscidin divarları çatlayan zaman ətrafa qorxulu səs də yayılıb. 

Qeyd edək ki, bu məscid Nəcəf şəhərindən 12 kilometr şimalda yerləşir. 40 min nəfərlik olan bu məscid dünyanın ən qədim məscidlərindən biridir. Dini mənbələrdə Kufə məscidinin divarının xarab olması qiyamət əlamətlərindən biri kimi təqdim edilir: “İmam Sadiq (ə) buyurub ki, Kufə məscidinin divarı xarab olduğu zaman həmin qövmün hakimiyyəti sona çatacaq və Qaimimiz zühur edəcək". 

Məhz bu səbəbdən də məscidin divarının çatlaması müsəlmanlar arasında böyük əks-səda yaradıb.