Yaxın vaxtlara kimi dünyanın ən kök adamı sayılan Pol Meyson sevgilisindən ayrılıb. Maraqlısı odur ki, britaniyalı Pol məhz sevgilisi Rebekkanın xatirinə 305 kq arıqlamışdı.

Özünün Facebook səhifəsinfə Pol yazıb ki, daha münasibətləri davam etdirməsi üçün stimulu yoxdur. O, keçmiş nişanlısından dost kimi ayrılıb.

3 il əvvəl Pol Meysonun çəkisi 445 kq idi. Meyson o qədər kök idi ki, heç evinin qapısından çıxa bilmirdi. 2002-ci ildə onu təcili əməliyyata aparmaq lazım olanda, xüsusi xidmət orqanları evin bir divarını sökərək Polu kranla qaldırıb aparmalı olmuşdular.

Meyson amerikalı Rebekka ilə tanış olduqdan sonra arıqlamağa qərar verir. Meyson mədəsini şuntlayır və arıqlamağa başlayır. 3 il ərzində 292 kq arıqlayır. Daha sonra həkimlər onun bədənindən 21 kq artıq dəri çıxardırlar.

Hazırda Meyson təxminən 120 kq ağıqlıqdadır. Və o, artıq Rebekka ilə birlikdə olmaq istəmir.