Gürcüstanda Aşıq Kamandar Əfəndiyevin ev muzeyinə status verilib.

Bunu Gürcüstanın mədəniyyət və abidələrin mühafizəsi nazirinin müşaviri Giorgi Qeqoçkori bildirib.

Onun sözlərinə görə, bu hadisə gürcü və Azərbaycan xalqları üçün böyük əhəmiyyət kəsb edir: “Nazirimiz Quram Odişariya iki həftə əvvəl Aşıq Kamandarın yaşadığı kənddə olub və onun öz əli ilə tikdiyi evdə aşığın ev muzeyinin və heykəlinin açılışını keçirib. Aşıq Kamandar istedadlı aşıq olub. Mədəniyyətlərimizin inkişafı hər iki milləti sevindirir. Gürcüstanda azərbaycanlıların heç bir problemi yoxdur. Mən iki həftədən sonra Bakıya gedəcəyəm. Azərbaycan Rəssamlıq Akademiyası ilə əməkdaşlıq barədə memorandum imzalayacağıq”.

Tiflisdəki “Dialoq və İnkişaf Fondu”nun rəhbəri Ramilə Əliyeva  Gürcüstan Mədəniyyət və Abidələrin Mühafizəsi Nazirliyinin Azərbaycan aşıqlarının festivalını keçirəcəyini bildirib: “Bu tədbiri nazir Quram Odişariya ilə müzakirə etmişik. Festivala 6 ölkədən türkdilli aşıqlar dəvət olunacaq”.