Azərbaycan və Gürcüstan deputatları Türkiyənin parlament sədri ilə görüşüblər

İstifadəçilərin qiymətləndirməsi: / 0
ZəifƏla 

Azərbaycan və Gürcüstan parlamentlərinin xarici əlaqələr komitələrinin üzvləri Ankarada Türkiyə Böyük Millət Məclisinin sədri (BMM) İsmayıl Kahramanla görüşüblər.


APA-nın yerli bürosunun Gürcüstan parlamentinin mətbuat xidmətinə istinadən verdiyi xəbərə görə, görüşdə ölkələr arasındakı münasibətlərdə parlamentlərin rolu və parlamentlərarsı əməkdaşlığın gücləndirilməsi məsələləri müzakirə olunub.
 

Görüşdə Gürcüstan parlamentinin Xarici əlaqələr üzrə komitəsinin sədri Sofio Katsarava regional təhlükəsizlik baxımından üçtərəfli strateji tərəfdaşlığın əhəmiyyətini vurğulayıb. Tərəflər qonşuluq münasibətləri və gələcək perspektivlər barədə fikir mübadiləsi aparıblar.
 

TBMM sədri İ. Kahraman Türkiyə-Azərbaycan-Gürcüstan dostluğu və qarşılıqlı dəstəkdən söz açıb. 


Qeyd edək ki,  üç ölkənin parlamentlərinin nümayəndə heyətləri Türkiyənin baş naziri Binəli Yıldırımla da görüşüblər.