"ABŞ regionda sabitliyə çox böyük önəm verir".

APA-nın yerli bürosunun məlumatına əsasən, bunu Gürcüstanın baş naziri Giorgi Kvirikaşvili strateji kommunikasiya üzrə treninq proqramının açılış mərasimində deyib.

Hökumət başçısı 54-cü Münhen Təhlükəsizlik Konfransı çərçivəsində ABŞ-ın müdafiə naziri Ceyms Mettislə görüşünü xatırladıb: "Görüşdə səslənmiş qəti dəstəyə görə bir daha təşəkkürümü bildirirəm. Biz regionda təhlükəsizliklə bağlı problemlər barədə danışdıq. ABŞ bizim regionda sabitliyin təmin olunmasında strateji tərəfdaş kimi Gürcüstana çox böyük önəm verir".