Gələn il Bakıda fəaliyyət göstərən daha 3 teatr təmirə dayana bilər. 

Bu barədə Bakı Bələdiyyə Teatrının aktyoru Aydın Əliyev məlumat verib. Onun sözlərinə görə, sözügedən teatrların təmirə dayanacağı ilə bağlı Mədəniyyət və Turizm naziri Əbülfəz Qarayev fəxri ad alan sənət adamları ilə görüşündə məlumat verib: “Şuşa Teatrı, Bakı Bələdiyyə Teatrı və İrəvan Dövlət Azərbaycan Dram Teatrlarının binası bərbad haldadır. Uzun zamandır, bunların təmiri məsələsi gündəmə gəlsə də, konkret fikir deyən yox idi. Amma Əbülfəz Qarayev xalq artistləri ilə bağlı keçirilən görüşdə hər üç teatrın yaxın zamanda təmirə dayanacağını bildirdi”.